പത്തനംതിട്ട: അതീവ ഗൗരവത്തോടെ കാണേണ്ട ഒരു രോഗമാണ് പേവിഷബാധയെന്നും രോഗം വരാതിരിക്കാന് പ്രതിരോധ കുത്തിവയ്പ് അടക്കമുള്ള കാര്യങ്ങളില് ശ്രദ്ധിക്കണമെന്നും ജില്ലാ മെഡിക്കല് ഓഫീസര്ഡോ.എല്.
അനിതകുമാരി അറിയിച്ചു. ജില്ലയില് ഈ വര്ഷം ഇതുവരെ 7209 പേരും ജൂണ് മാസം മാത്രം 1261 പേരും വിവിധ മൃഗങ്ങളുടെ കടിയേറ്റ് ആശുപത്രികളില് ചികിത്സ തേടിയിട്ടുണ്ട്.
പേവിഷബാധയുള്ള മൃഗങ്ങള് നക്കുകയോ, മാന്തുകയോ, കടിക്കുകയോ ചെയ്യുമ്ബോഴാണ് രോഗമുണ്ടാകുന്നത്. തലച്ചോറിനെ ബാധിക്കുന്ന ഒരു വൈറസ് രോഗമാണിത്. 99 ശതമാനം പേവിഷബാധയും ഉണ്ടാകുന്നത് നായ്ക്കള് മുഖേനയാണ്. വളര്ത്തുമൃഗങ്ങളായ പൂച്ച, പശു, ആട് എന്നിവ കൂടാതെ മലയണ്ണാന്, കുരങ്ങ് എന്നീ വന്യമൃഗങ്ങളില് നിന്നും പേവിഷബാധ ഉണ്ടാകാം. പേവിഷബാധ ഉണ്ടാകുന്ന നാല്പത് ശതമാനം ആളുകളും 15 വയസിന് താഴെ പ്രായമുള്ളവരാണ്.
തലവേദന, ക്ഷീണം, പനി, കടിയേറ്റ ഭാഗത്തുണ്ടാകുന്ന വേദനയും തരിപ്പും എന്നിവയാണ് പ്രാരംഭ ലക്ഷണങ്ങള്. തുടര്ന്ന് വെളിച്ചം, വായു, വെള്ളം എന്നിവയോടുള്ള ഭയം ഉണ്ടാകുന്നു. സാധാരണ ഗതിയില് രോഗലക്ഷണങ്ങള് പ്രകടമാകുവാന് രണ്ട് മുതല് മൂന്ന് മാസം വരെ എടുക്കും. ചിലപ്പോള് അത് ഒരാഴ്ച മുതല് ഒരു വര്ഷം വരെ ആകാം.
മൃഗങ്ങള് നക്കുകയോ കടിക്കുകയോ മാന്തുകയോ ചെയ്താല് മുറിവുള്ള ഭാഗത്ത് സോപ്പും വെള്ളവും ഉപയോഗിച്ച് 15 മിനിട്ട് നേരം കഴുകി മുറിവ് വൃത്തിയാക്കുക. ഇത് അപകട സാധ്യത 90 ശതമാനം വരെ കുറയ്ക്കും.എത്രയും വേഗം ആശുപത്രിയിലെത്തി ഡോക്ടറുടെ നിര്ദേശ പ്രകാരം പ്രതിരോധ ചികിത്സ തേടുക. ലക്ഷണങ്ങള് പ്രത്യക്ഷപ്പെടാന് വേണ്ടി കാത്തുനില്ക്കരുത്.
The post പേവിഷബാധ; പ്രതിരോധ കുത്തിവയ്പ് അടക്കമുള്ള കാര്യങ്ങളില് ശ്രദ്ധിക്കണമെന്ന് ഡിഎംഒ