ശക്തമായ കാറ്റിനും മോശം കാലാവസ്ഥക്കും സാധ്യത
കേരള, ലക്ഷദ്വീപ്, തമിഴ്നാട്, കന്യാകുമാരി തീരങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയിലും ചില അവസരങ്ങളില് 60 കിലോമീറ്റര് വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥക്കും സാധ്യതയെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. ഈ സാഹചര്യത്തില് മേല്പറഞ്ഞ പ്രദേശങ്ങളില് ഈ ദിവസങ്ങളില് മത്സ്യബന്ധനം പാടില്ലെന്ന് ജില്ലാ കളക്ടര് ഡോ.നവ്ജ്യോത്ഖോസ അറിയിച്ചു. മുന്നറിയിപ്പ് പിന്വലിക്കുന്നതു വരെ കേരളതീരത്ത് നിന്ന് ആരും കടലില് പോകരുതെന്നും ജില്ലാ കളക്ടര് നിര്ദേശിച്ചു.