പൂജപ്പുരയില് ജയില് ചാടാന് കൊലക്കേസ് പ്രതിയുടെ ശ്രമം. ജയില് ചാടിയ ഇയാള് മരത്തിന് മുകളില് കയറി ആത്മഹത്യാ ഭീഷണി മുഴക്കി. ഒടുവില് ഫയര്ഫോഴ്സും പൊലീസും ഇയാളെ താഴെയിറക്കി.
ജീവപര്യന്തം തടവുകാരനായ കോട്ടയം സ്വദേശി സുഭാഷാണ് ജയിൽ വളപ്പിലെ ചുറ്റു മതിൽ ചാടി തൊട്ടടുത്തുള്ള വളപ്പിലെ മരത്തിനു മുകളിൽ കയറിയത്. ജയിൽ ഓഫിസിൽ ഹാജരാക്കിയശേഷം പുറത്തിറങ്ങിയപ്പോഴാണ് ഉദ്യോഗസ്ഥരെ വെട്ടിച്ച് ഇയാൾ ഓടിയത്. മതിൽ ചാടി തൊട്ടടുത്തുള്ള സാമൂഹിക സുരക്ഷാ മിഷന്റെ ഷെൽട്ടർഹോം വളപ്പിലെ മരത്തിൽ കയറുകയായിരുന്നു.
കൊവിഡ് കാലത്ത് പുറത്തിറങ്ങിയ തടവ് പുള്ളികൾക്ക് ഒപ്പം ഇയാളുമുണ്ടായിരുന്നു. എന്നാൽ മടങ്ങി വരാനുള്ള സമയം കഴിഞ്ഞിട്ടും തിരികെയെത്താതിരുന്നതിനെ തുടര്ന്ന് പൊലീസ് അറസ്റ്റ് ചെയ്ത് കൊണ്ടു വരികയായിരുന്നു. തുറന്ന ജയിലിലേക്കായിരുന്നു കൊണ്ട് വന്നത്. ജാമ്യ വ്യവസ്ഥ ലംഘിച്ചതിനാൽ ഇയാളെ പിന്നീട് പൂജപ്പുരയിലേക്ക് മാറ്റുകയായിരുന്നു.
ഇയാള് മരത്തില് നിന്ന് ചാടിയാല് അപകടമുണ്ടാകാതിരിക്കാനുള്ള മുന്കരുതലുകള് സ്വീകരിച്ചിരുന്നു. മരത്തിന് താഴെ വല വിരിച്ച് സുരക്ഷ ഉറപ്പാക്കി.