കൊച്ചി: നടിയെ ആക്രമിച്ച കേസില് തുടരന്വേഷണത്തിന് കൂടുതല് സമയം ആവശ്യപ്പെട്ട് ക്രൈംബ്രാഞ്ച് നല്കിയ ഹര്ജി ഹൈക്കോടതി ഇന്ന് പരിഗണിക്കും.
തുടരന്വേഷണത്തിനുള്ള സമയ പരിധി നാളെ അവസാനിക്കാനിരിക്കെയാണ് ഈ നീക്കം.
നടിയെ ആക്രമിച്ച് പകര്ത്തിയ ദൃശ്യങ്ങളടങ്ങിയ മെമ്മറി കാര്ഡിന്റെ ഹാഷ് വാല്യു മാറിയത് സംബന്ധിച്ച് വിശദമായി അന്വേഷിക്കേണ്ടതുണ്ടെന്നും മുന് ഡിജിപി ആര് ശ്രീലേഖയുടെ പരാമര്ശങ്ങളില് പരിശോധന വേണമെന്നുമാണ് ഹര്ജിയില് ഉള്ളത്.
മെമ്മറി കാര്ഡിന്റെ ഫൊറന്സിക് പരിശോധനാ ഫലം ഇന്നലെ അന്വേഷണ സംഘത്തിന് കിട്ടിയിരുന്നു. 2021 ജൂലൈ 19 ന് ഉച്ചയ്ക്ക് 12.19 മുതല് 12: 54 വരെയുളള സമയത്താണ് മെമ്മറി കാര്ഡ് അവസാനമായി പരിശോധിച്ചതെന്ന് റിപ്പോര്ട്ടില് പറയുന്നു. വിവോ ഫോണില് കാര്ഡിട്ടാണ് പരിശോധിച്ചത്.
വാട്ട്സാപ്പ്, ടെലിഗ്രാം അടക്കമുളള സാമുഹ്യമാധ്യമങ്ങള് ഉപയോഗിക്കുന്ന ഫോണിലാണ് മെമ്മറി കാര്ഡ് ഇട്ടതെന്നും പരിശോധനാ ഫലത്തിലുണ്ട്. എട്ട് വീഡിയോ ഫയലുകളാണ് മെമ്മറി കാര്ഡിലുള്ളത്