പാലക്കാട് എലപ്പുള്ളിയില് എസ്ഡിപിഐ പ്രവര്ത്തകന് സുബൈറിനെ കൊലപ്പെടുത്തിയ കേസില് പ്രതികള് തമിഴ്നാട്ടിലേക്ക് കടന്നതായി പൊലീസ്. ഇതേതുടര്ന്ന് അന്വേഷണം തമിഴ്നാട്ടിലേക്കും വ്യാപിപ്പിച്ചു. സുബൈറിന്റേത് രാഷ്ട്രീയ കൊലപാതകമാണെന്നാണ് എഫ്ഐആറില് പറയുന്നത്. ഇന്ന് രാവിലെ പത്ത് മണിയോടെ പോസ്റ്റ്മോര്ട്ടം നടപടികള് ആരംഭിക്കും. ഇന്നലെ ഉച്ചയ്ക്ക് 1.30നാണ് സംഭവം. പാലക്കാട് കസബ പൊലീസ് സ്റ്റേഷന് പരിധിയിലായിരുന്നു അക്രമം. പിതാവിനൊപ്പം ജുമാ നിസ്കാരത്തിന് കഴിഞ്ഞ് ബൈക്കില് പള്ളിയില് നിന്ന് മടങ്ങിവരുന്നതിനിടയില് രണ്ടു കാറുകളിലായെത്തിയ അജ്ഞാതസംഘം എതിര്വശത്തു നിന്ന് ഇടിച്ചു വീഴ്ത്തി. പുറകിലിരുന്ന പിതാവ് ദൂരത്തേക്ക് തെറിച്ചു വീണു. ഇതിനിടയില് സുബൈറിനെ വെട്ടിക്കൊലപ്പെടുത്തുകയായിരുന്നു.