കൊച്ചി: മഹാരാജാസ് കോളജില് വിദ്യാര്ഥികള് മൊബൈല് ഫോണ് വെളിച്ചത്തിലെഴുതിയ പരീക്ഷകള് റദ്ദാക്കിയെന്ന് പ്രിന്സിപ്പല് ഡോ.
വി.അനില് അറിയിച്ചു. പരീക്ഷ മറ്റൊരു ദിവസം നടത്തുമെന്നും തീയതി പിന്നീട് അറിയിക്കുമെന്നും പ്രിന്സിപ്പല് പറഞ്ഞു. കോളജിലെ ഒന്നാം വര്ഷ ബിരുദം, മൂന്നാം സെമസ്റ്റര് പി.ജി പരീക്ഷകളാണ് റദ്ദാക്കിയത്.
വൈദ്യുതിബന്ധം വിച്ഛേദിക്കപ്പെട്ടതോടെയാണ് ഏപ്രില് 11ന് മൊബൈല് ഫോണ് വെളിച്ചത്തില് പരീക്ഷ നടത്തിയത്. മഴക്കാറുണ്ടായിരുന്നതിനാല് സ്വാഭാവിക വെളിച്ചവും കുറഞ്ഞതോടെ അധ്യാപകരുടെ അനുമതിയോടെ വിദ്യാര്ഥികളെല്ലാവരും മൊബൈല് ടോര്ച്ചിനെ ആശ്രയിക്കുകയായിരുന്നു. മൊബൈല് ഫോണ് പരീക്ഷാദിവസം ഹാളിലേക്ക് കൊണ്ടുപോകാന് സര്വകലാശാല പരീക്ഷ കണ്ട്രോളര് വിലക്കിയിരുന്നു. ഈ സാഹചര്യത്തില് ഹാളില് മൊബൈല് ഫോണ് കയറ്റിയതാണ് വിവാദമായത്.
സംഭവദിവസം രാവിലെ മുതല് കോളജില് വൈദ്യുതിയില്ലായിരുന്നു. ജനറേറ്ററില് നിന്ന് വൈദ്യുതി ലഭിച്ചില്ല. 54 ലക്ഷം രൂപ മുടക്കി കോളജിലേക്ക് ഹൈടെന്ഷന് വൈദ്യുതി സംവിധാനം ഒരുക്കിയിരുന്നെങ്കിലും അവശ്യഘട്ടത്തില് പ്രയോജനപ്പെട്ടില്ല. 77 ലക്ഷത്തിന്റെ ജനറേറ്ററും ഇവിടെയുണ്ടെങ്കിലും അതും പ്രവര്ത്തിച്ചില്ല.