ബംഗാള് ഉള്ക്കടലില് ന്യൂനമര്ദം ശക്തി പ്രാപിക്കുന്നു. സംസ്ഥാനത്ത് അടുത്ത 5 ദിവസം ഇടിമിന്നലോടുകൂടിയ മഴ തുടരാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ഏപ്രില് 6 ഓടെ തെക്കന് ആന്ഡാമാന് കടലിലിന് മുകളില് ചക്രവാതചുഴി രൂപപ്പെടാന് സാധ്യതയുണ്ടെന്ന് കാലാവസ്ഥാ കേന്ദ്രം അറിയിക്കുന്നു. തുടര്ന്നുള്ള 24 മണിക്കൂറിനുള്ളില് തെക്ക് കിഴക്കന് ബംഗാള് ഉള്കടലില് ന്യുന മര്ദ്ദമായി ശക്തി പ്രാപിക്കാന് സാധ്യതയുണ്ടെന്നാണ് മുന്നറിയിപ്പ്.
മധ്യ-തെക്കന് കേരളത്തിലാകും വേനല് മഴ കൂടുതലായി ലഭിക്കുക. കഴിഞ്ഞ ദിവസങ്ങളിലായി തിരുവനന്തപുരം, കൊല്ലം, കൊച്ചി മേഖലകളില് വൈകീട്ടോടെ കനത്ത മഴയുണ്ടായിരുന്നു.
കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ല. ന്യൂനമര്ദത്തിന്റെ സ്വാധീനത്തില് തെക്കന് ആന്ഡമാന് കടലിലും, തെക്ക് കിഴക്കന് ബംഗാള് ഉള്ക്കടലിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. അതുകൊണ്ട് ഏപ്രില് 7ന് ഈ മേഖലയിലെ മത്സ്യബന്ധനം ഒഴിവാക്കണം.