തിരുവനന്തപുരം : ആറ്റിങ്ങലില് പിങ്ക് പോലീസ് ഉദ്യോഗസ്ഥ പെണ്കുട്ടിയെ അപമാനിച്ച സംഭവത്തില് നഷ്ടപരിഹാരം നല്കണമെന്ന കോടതി വിധിക്കെതിരേ സംസ്ഥാന സര്ക്കാര് അപ്പീല് നല്കി. പെണ്കുട്ടിക്ക് ഒന്നരലക്ഷം രൂപ നഷ്ടപരിഹാരം നല്കണമെന്ന ഹൈക്കോടതി സിംഗിള് ബെഞ്ച് ഉത്തരവിനെതിരേയാണ് സംസ്ഥാന സര്ക്കാര് ഡിവിഷന് ബെഞ്ചിനെ സമീപിച്ചത്. ഉദ്യോഗസ്ഥര് ചെയ്യുന്ന വ്യക്തിപരമായ കുറ്റത്തിന് സര്ക്കാരിന് ബാധ്യതയേല്ക്കാനാവില്ലെന്നാണ് അപ്പീലില് പറയുന്നത്. പിങ്ക് പോലീസ് ഉദ്യോഗസ്ഥ പെണ്കുട്ടിയെ അപമാനിച്ച സംഭവത്തില് സര്ക്കാരിന് നഷ്ടപരിഹാരം നല്കാനാകില്ലെന്നും ഇത് ഉദ്യോഗസ്ഥയുടെ മാത്രം കുറ്റമാണെന്നും അപ്പീലില് പറയുന്നുണ്ട്.