മഴക്കാലങ്ങളിൽ നനഞ്ഞു തെന്നി കുതിർന്നു കിടക്കുന്ന റോഡുകളിലൂടെ യാത്ര ചെയ്യുക എന്നത് ഇത്തിരി കടുപ്പമുള്ള കാര്യമാണ്. ഇപ്പോൾ മിക്ക വാഹന സർവ്വീസിങ്ങ് സെന്ററുകളിലും ലഭ്യമായിട്ടുള്ള കാര്യമാണ് മൺസൂർ സർവ്വീസിങ്ങ്. മഴയിൽ വാഹനമിറക്കുന്നതിനു മുൻപ് മൺസൂർ സർവ്വീസിങ്ങ് നടത്തുന്നത് സുരക്ഷ വളരെയധികം വർധിപ്പിക്കും എന്ന കാര്യത്തിൽ സംശയമില്ല. ബ്രേക്ക്, ടയർ, വൈപ്പർ, ഹെഡ് ലൈറ്റ്, മറ്റു ലൈറ്റുകൾ, ഹോൺ തുടങ്ങിയവയെല്ലാം മികച്ച കണ്ടീഷനിലാണെന്ന് ഇതിലൂടെ ഉറപ്പു വരുത്താം.
കനത്ത മഴ പെയ്യുന്ന അവസരങ്ങളിൽ വാഹനം പരമാവധി ഓടിക്കാതിരിക്കുകയാണ് നല്ലത്. ഇങ്ങനെ മഴ പെയ്യുമ്പോള് മുന്നില് കാണുവാൻ സാധിക്കുന്ന സ്ഥലത്തിന്റെ പരിധി കുറയുന്നത് എതിരെ വരുന്ന വാഹനങ്ങളെ കാണാൻ സാധിക്കാതാക്കുകയും അപകടത്തിന് കാരണമാവുകയും ചെയ്യും. ഇത്തരം അവസരങ്ങളിൽ കഴിവതും വാഹനം ഓഫ് ചെയ്തിടുകയും മഴ കുറഞ്ഞതിനു ശേഷം യാത്ര തുടരുകയും ചെയ്യുന്നതാണ് ഉത്തമം. മാത്രമല്ല, വെള്ളത്തിൽ കൂടിയുള്ള യാത്ര വാഹനത്തിന്റെ എന്ഡജിൻ പ്രവർത്തനത്തെ മോശമായി ബാധിക്കുകയും ചെയ്യും.
വാഹനങ്ങളിൽ ഫസ്റ്റ് എയ്ഡ് കിറ്റ് കരുതേണ്ടത് നിർബന്ധമായ ഒരു കാര്യമാണ്. കയ്യെത്തുന്ന ദൂരത്തില് അത്യാവശ്യം വേണ്ടുന്ന എല്ലാമായി ര ഫസ്റ്റ് എയ്ഡ് കിറ്റ് കരുതുവാൻ ശ്രദ്ധിക്കുക. മാത്രമല്ല, എങ്ങനെയാണ് അപകട ഘട്ടങ്ങളിൽ ഇത് ഉപയോഗിക്കുക എന്നും തീര്ച്ചയായും അറിഞ്ഞിരിക്കണം.