തിരുവനന്തപുരം: പള്സര് സുനിക്ക് ജാമ്യമില്ല. ജാമ്യാപേക്ഷ സുപ്രീംകോടതി തള്ളി. അന്വേഷണം നടക്കുമ്ബോള് ഇടപെടുന്നത് ശരിയല്ലെന്ന് സുപ്രീം കോടതി നിരീക്ഷിച്ചു.
ജസ്റ്റിസ് അജയ് രസ്തോഗി അധ്യക്ഷനായ ബഞ്ചാണ് ജാമ്യാപേക്ഷ പരിഗണിച്ചത്. വിചാരണാ നടപടികള് വൈകാന് സാധ്യതയുള്ളതിനാല് ജാമ്യം നല്കണമെന്ന് ചൂണ്ടിക്കാട്ടിയാണ് പള്സര് സുനി സുപ്രീം കോടതിയെ സമീപിച്ചത്. എന്നാല് ഇത് കോടതി അംഗീകരിച്ചില്ല.
കഴിഞ്ഞ ഏപ്രിലില് കേസ് കോടതി പരിഗണിച്ചിരുന്നു. ഇതില് സംസ്ഥാന സര്ക്കാരിന് കോടതി നോട്ടീസ് അയച്ചിരുന്നു. കേസില് താനൊഴികെ എല്ലാ പ്രതികള്ക്കും ജാമ്യം ലഭിച്ചിട്ടുണ്ടെന്നും പള്സര് സുനി സമര്പ്പിച്ച ജാമ്യാപേക്ഷയില് പറയുന്നു. അഞ്ച് വര്ഷമായി വിചാരണ തടവുകാരനായി കഴിയുന്നതിനാല് ജാമ്യം നല്കണമെന്നാണ് ആവശ്യപ്പെട്ടത്.