ശബരിമല ഭാഗങ്ങളിലെ റോഡിന്റെ നിര്മ്മാണം ഓണത്തോടനുബന്ധിച്ച് നട തുറക്കുന്നതിന് മുമ്പായി പൂര്ത്തീകരിക്കണമെന്ന് ബന്ധപ്പെട്ട വകുപ്പുകളോട് എറണാകുളം ജില്ലാ കളക്ടര് ഡോ.ദിവ്യ.എസ്.അയ്യര് നിര്ദ്ദേശിച്ചു. ജില്ലയിലെ അടിസ്ഥാന സൗകര്യ വികസന പ്രവര്ത്തനങ്ങളുടെ ഏകോപന സമിതി ഓണ്ലൈന് യോഗത്തില് സംസാരിക്കുകയായിരുന്നു ജില്ലാ കളക്ടര്. ശബരിമല മേഖലകളിലെ റോഡിന്റെ നിര്മ്മാണം അതീവ പ്രാധാന്യത്തോടെ പൂര്ത്തിയാക്കണം. ജില്ലാ വികസന സമിതി യോഗത്തില് ജനപ്രതിനിധികള് നിര്ദ്ദേശിച്ച റോഡുകളുടെ നിര്മാണപ്രവൃത്തിയും അടിയന്തിര പ്രാധാന്യത്തോടെ ചെയ്യണമെന്നും ജില്ലാ കളക്ടര് പറഞ്ഞു.