പാലക്കാട്: പാലക്കാട് കുഴല്മന്ദത്ത് കെ.എസ്.ആര്.ടി.സി ബസ് ഇടിച്ച് യുവാക്കള് മരിച്ച സംഭവത്തില് അന്വേഷണ സംഘം റിപ്പോര്ട്ട് സമര്പ്പിച്ചു.
കെ.എസ്.ആര്.ടി.സി ഡ്രൈവറുടെ ഭാഗത്ത് വീഴ്ചയുണ്ടെന്നാണ് റിപ്പോര്ട്ടില് പറയുന്നത്. ഡ്രൈവര് ജാഗ്രത പുലര്ത്തണമായിരുന്നുവെന്നും റിപ്പോര്ട്ടിലുണ്ട്. ബസ് ഡ്രൈവര് ഔസേപ്പിനെതിരെ മനപ്പൂര്വമായ നരഹത്യക്കാണ് കേസെടുത്തു. ഡ്രൈവര് ഇപ്പോള് സസ്പന്ഷനിലാണ്. ഇയാളുടെ ഡ്രൈവിങ് ലൈസന്സ് റദ്ദാക്കിയിട്ടുമുണ്ട്.
കുഴല് മന്ദത്ത് ദേശീയ പാതയില് ഫെബ്രുവരി ഏഴിനാണ് അപകടമുണ്ടായത്. 304 എ ചുമത്തി കേസെടുത്ത് ബസ് ഡ്രൈവര് ഔസേപ്പിനെ സ്റ്റേഷന് ജാമ്യത്തില് വിട്ടതിന് പിന്നാലെ തുടരന്വേഷണം ആവശ്യപ്പെട്ട് മരിച്ച യുവാക്കളുടെ മാതാപിതാക്കള് രംഗത്തെത്തുകയായിരുന്നു.
മൂന്നു ദൃക്സാക്ഷികള് നല്കിയ മൊഴിയുടെയും സംഭവ സ്ഥലത്തുനിന്നും ലഭിച്ച വീഡിയോ ദൃശ്യങ്ങളുടെയും അടിസ്ഥാനത്തിലാണ് ഐപിസി 304 വകുപ്പ് കൂട്ടിച്ചേര്ത്തത്.