തിരുവനന്തപുരം: മുഖ്യമന്ത്രി പിണറായി വിജയന്റെ പരിപാടികളില് നിന്ന് കറുത്ത മാസ്ക് ഊരിച്ചതില് ഡിജിപി അനില്കാന്ത് വിശദീകരണം തേടി. കറുത്ത മാസ്ക് നീക്കം ചെയ്യിച്ചതില് നാല് ജില്ലാ എസ്പിമാരോടാണ് ഡിജിപി തേടിയത്. കണ്ണൂര്, കോഴിക്കോട്, കോട്ടയം, തൃശ്ശൂര് എന്നീ ജില്ലകളിലെ എസ്പിമാരോടാണ് വിശദീകരണം തേടിയത്.
പൊലീസ് നടപടിയ്ക്കെതിരെ വ്യാപക പ്രതിഷേധം ഉയര്ന്നതോടെ ഇന്നലെയാണ് കറുപ്പ് മാസ്കിനുള്ള അപ്രഖ്യാപിത നിരോധനം പിന്വലിച്ചത്. കറുത്ത മാസ്കിന് വിലക്കില്ലെന്ന് മുഖ്യമന്ത്രിയുടെ ഓഫീസ് ശനിയാഴ്ച തെന്നെ അറിയിച്ചിരുന്നു. എങ്കിലും ഇന്നലെ മലപ്പുറത്തും പോലീസ് കറുത്ത മാസ്ക് അഴിപ്പിച്ചിരുന്നു. പോലീസ് നടപടിയെ എല് ഡി എഫ് കണ്വീനര് ഇ പി ജയരാജന് ന്യായീകരിക്കുക കൂടി ചെയ്തതോടെ സംഭവം പാര്ട്ടി കേന്ദ്രങ്ങളില് തന്നെ ഇത് വലിയ ചര്ച്ച ആയിരുന്നു.