തിരുവനന്തപുരം: ഇരുമ്പ് തോട്ടി കൊണ്ട് തേങ്ങ പറിക്കുന്നതിനിടയില് അച്ഛനും മകനും വൈദ്യുതി ലൈനില് നിന്ന് ഷോക്കേറ്റ് മരിച്ചു. വിഴിഞ്ഞം ചൊവ്വര സോമതീരം റിസോര്ട്ടിന് സമീപം പുതുവല് പുത്തന് വീട്ടില് അപ്പുകുട്ടന്(65), മകന് റെനില് (36) എന്നിവരാണ് മരിച്ചത്. ഇരുമ്പ് തോട്ടി 11 കെവി ലൈനില് കുടുങ്ങിയാണ് അപകടത്തിന് കാരണം.
ഇന്ന് രാവിലെ 9 മണിയോടെയാണ് സംഭവം. അപ്പുക്കുട്ടന് തേങ്ങ പറിക്കാന് ശ്രമിക്കുന്നതിനിടയില് നിയന്ത്രണം വിട്ട് സമീപത്തെ ഇലക്ട്രിക് ലൈനില് പതിക്കുകയായിരുന്നു. അച്ഛനെ രക്ഷിക്കാന് ശ്രമിക്കുന്നനതിനിടെയാണ് മകനും അപകടം സംഭവിച്ചത്. വൈദ്യുതി ആഘാതത്തില് ഇരുവരും തല്ക്ഷണം മരണപ്പെട്ടു. വൈദ്യുതി പ്രഹരത്തില് ഇരുവരുടെയും ശരീരം പകുതിയോളം കത്തി കരിഞ്ഞ നിലയിലാണ്.