കൊച്ചി: തൃക്കാക്കരയില് യുഡിഎഫ് സ്ഥാനാര്ത്ഥി ഉമാ തോമസ് വന് ഭൂരിപക്ഷത്തോടെ വിജയച്ചിതിനു പിന്നാലെ പ്രതികരണവുമായി ബിജെപി രംഗത്തെത്തി.
പി ടി തോമസിനെ തൃക്കാക്കരയിലെ ജനങ്ങള് ഇപ്പോഴും സ്നേഹിക്കുന്നു എന്നതിന്റെ തെളിവാണിതെന്നും ശക്തമായ സഹതാപതരംഗം ഉമയുടെ വിജയത്തിന് കാരണമായെന്നുമാണ് ബിജെപിയുടെ വിലയിരുത്തല് .
സര്ക്കാരിന്റെ വര്ഗീയപ്രീണനത്തിനും ഏകാധിപത്യത്തിനുമെതിരായ വികാരമാണ് തൃക്കാക്കരയില് പ്രതിഫലിച്ചതെന്നും ബിജെപി സംസ്ഥാന അധ്യക്ഷന് കെ സുരേന്ദ്രന് പറഞ്ഞു.
ആലപ്പുഴയിലെ സംഭവവികാസങ്ങളും സര്ക്കാരിന് തിരിച്ചടിയായി. എല്ഡിഎഫിനെ തോല്പ്പിക്കുക എന്ന ജനങ്ങളുടെ ശക്തമായ ആവശ്യം യുഡിഎഫിന് വലിയ നേട്ടമായി, കെ സുരേന്ദ്രന് പറഞ്ഞു.
പോപ്പുലര് ഫ്രണ്ട് അടക്കമുള്ള മതഭീകരവാദ ശക്തികളെ പരസ്യമായി സഹായിച്ചതിന്റെ ഫലമായി മറ്റ് ജനവിഭാഗങ്ങള്ക്കിടയില് ശക്തമായ പ്രതിഷേധമുണ്ടായി.
തൃക്കാക്കര ഉപതെരഞ്ഞെടുപ്പില് 25,015 വോട്ടുകളുടെ റെക്കോര്ഡ് ഭൂരിപക്ഷത്തിലാണ് ഉമ തോമസിന് ജയം. 2021 പി.ടി.തോമസ് മത്സരിക്കുമ്ബോള് 14,329 വോട്ടുകളായിരുന്നു ഭൂരിപക്ഷം നേടിയിരുന്നത്. 2011 ബെന്നി ബെഹ്നാന് മത്സരിക്കുമ്ബോള് 22,406 ആയിരുന്നു ഭൂരിപക്ഷം. ആ റെക്കോര്ഡുകളാണ് ഉമ തോമസ് തകര്ത്തിരിക്കുന്നത്.