കോഴിക്കോട്: നിര്മാണത്തിലിരിക്കെ തകര്ന്ന കോഴിക്കോട്ടെ കൂളിമാട് പാലം പൊതുമരാമത്ത് വിജിലന്സ് വിഭാഗം പരിശോധിച്ചു.
ഡെപ്യൂട്ടി ചീഫ് എന്ജിനീയര് എം. അന്സാറിന്റെ നേതൃത്വത്തിലുള്ള സംഘമാണ് പരിശോധന നടത്തിയത്.
പാലം തകര്ന്ന സംഭവത്തില് വിശദമായ പരിശോധന വേണമെന്് വിജിലന്സ് വിഭാഗം അഭിപ്രായപ്പെട്ടു. തകര്ന്ന ബീമുകള്ക്ക് പകരം പുതിയത് സ്ഥാപിക്കേണ്ടിവരും. ഹൈഡ്രാളിക് ജാക്കിയുടെ പിഴവാണോ അപകട കാരണം എന്നത് പരിശോധനകള്ക്ക് ശേഷമേ വ്യക്തമാകൂ എന്നും പിഡബ്ല്യുഡി വിജിലന്സ് വിഭാഗം വ്യക്തമാക്കി.
കഴിഞ്ഞ ദിവസം പ്രദേശത്ത് പെയ്ത ശക്തമായ മഴയെത്തുടര്ന്ന് താല്ക്കാലികമായി സ്ഥാപിച്ച തൂണുകള് താഴ്ന്ന് പോയതാണ് അപകടത്തിന് കാരണമായതെന്നായിരുന്നു പ്രാഥമിക വിലയിരുത്തല്. എന്നാല് ബീമിനെ താങ്ങി നിര്ത്തിയ ജാക്കിക്ക് പെട്ടന്നുണ്ടായ തകരാര് കാരണമാണ് അപകടമുണ്ടായതെന്നാണ് നിര്മാണ ചുമതലയുള്ള ഊരാളുങ്കല് കോപ്പറേറ്റീവ് സൊസൈറ്റി വിശദീകരിച്ചു.