തിരുവനന്തപുരം: പുതുക്കിയ ബസ്, ഓട്ടോ, ടാക്സി നിരക്കുകള് സംസ്ഥാനത്ത് ഇന്ന് മുതല് പ്രാബല്യത്തില്. സര്ക്കാര് ഉത്തരവ് അനുസരിച്ച് കെ.എസ്.ആര്.ടി.സി-സ്വകാര്യ ബസുകളില് പുതുക്കിയ ടിക്കറ്റ് നിരക്ക് നടപ്പാക്കും. ഓര്ഡിനറി ബസിലെ മിനിമം നിരക്ക് രണ്ടു രൂപ വര്ധിപ്പിച്ചു 10 രൂപയാക്കിയിട്ടുണ്ട്. കെ.എസ്.ആര്.ടി.സി ജനറം നോണ് എ.സി, സിറ്റി ഷട്ടില്, സിറ്റി സര്ക്കുലര് സര്വീസുകളുടെ മിനിമം നിരക്ക് കുറച്ച് ഓര്ഡിനറി നിരക്കിന് തുല്യമാക്കിയിട്ടുമുണ്ട്. ഓട്ടോ ചാര്ജ് മിനിമം 30 രൂപയായി വര്ധിപ്പിച്ചു. ടാക്സിക്ക് അഞ്ചുകിലോമീറ്ററിന് 200 രൂപയാക്കിയും വര്ധിപ്പിച്ചു.