ന്യൂഡല്ഹി: പൗരത്വ ഭേദഗതി ബില് ലോകസഭയില് പാസാക്കി. പാകിസ്ഥാന്, അഫ്ഗാനിസ്ഥാന്, ബംഗ്ലാദേശ് എന്നിവിടങ്ങളില് നിന്നുള്ള ആറ് മത ന്യൂനപക്ഷങ്ങള്ക്ക് പൗരത്വം നല്കാനുള്ള പൗരത്വ ഭേദഗതി ബില്ലാണ് ലോക്സഭ പാസാക്കിയത്. ആഭ്യന്തര മന്ത്രി അമിത് ഷായാണ് പൗരത്വ ബില് ലോകസഭയില് അവതരിപ്പിച്ചത്.
അഭയാർത്ഥികൾ നിശ്ചിത കാലാവധി ഇന്ത്യയില് താമസിക്കുന്നവരാണെങ്കില് അവര്ക്ക് അനുവാദം നല്കുന്ന ബില്ലാണ് ഇത്. വോട്ടെടുപ്പ് സമയത്ത് 391 അംഗങ്ങളാണ് സഭയിലുണ്ടായിരുന്നത്. 80 വോട്ടിനെതിരെ 311 വോട്ടിനാണ് ബില്ല് പാസായത്. ഇനി ബില്ല് രാജ്യസഭയുടെ പരിഗണനയക്ക് എത്തും. രാജ്യസഭ കൂടി പാസാക്കിയാല് രാഷ്ട്രപതി ഒപ്പ് വെക്കുന്നതോടെ ബില് നിയമമാകും.